Antimafia Italiane e Komanda Provinciale e Guardia Financës së Ankonës kanë ekzekutuar fazën finale të operacionit “Lojë e Dyfishtë” (Doppio Gioco) i cili çoi në shkarërrimin e një trafiku ndërkombëtar kokaine e hashashi me sasi prej 700 kg e me vlerë përfitimi 35 milionë euro.
Janë ekzekutuar urdhër arrestimet ndaj 3 shtetasve shqiptarë të cilat janë ekstraduar nga Shqipëria, Belgjika e Spanja e të një shtetas italian me banim në provincën e Maceratës.
Tre shqiptarët janë vënë nën masën e arrestimit nga drejtësia italiane menjëherë pasi kanë mbërritur në aeroportin Fiumicino Romë e Linate të Milanos.
Tre shqiptarët janë shoqëruar në burgjet e Rebibbia, Regina Coeli e Busto Arsizio.
Operacioni “Lojë e Dyfishtë” çoi në 22 arrestimeve, kapjen në flagrancë të 8 korrierëve me 50 kg kokainë e të sekuestrimit të 5 automjeteve të modifikuara për transportin e drogës.
Discussion about this post