Ditën e sotme, në një intervistë për mediat, menaxheri i projektit të Rrugës së Arbrit, Mihallaq Spirollari, është shprehur se kjo rruga është në fazat e fundit drejt hapjes dhe do të hapet në 29 nëntor.
“Siç e shikoni në këtë pjesë të Rrugës së Arbrit ne po asfaltojmë 2km te fundit të pjesës që do të hapet. Aktualisht me mbarimin e këtij asfalti ne sigurojmë që mbi 80% e rrugës që kemi në kontratë do jetë e aksesueshme dhe do të hapet në datën 29 nëntor. Kjo pjesë ka një zgjidhje të përkohshme për arsye sepse formacionet janë te paqëndrueshme. Jemi edhe në hapat e fundit në tunelin e Murrizit dhe jo shumë kohë pas kësaj dite edhe ai tunel do jetë i përfunduar” – është shprehur Spirollari.
Por, edhe pse rruga nuk do të hapet e plotë, ajo përsëri është jashtë afateve të vendosura në fillim për hapjen e saj. Në vitin 2017-të, kur rruga u dha me koncension, parashikohej që kompania ta përfundonte plotësisht brenda 46 muajve. Sipas llogaritjes, rruga duhej të ishte përfunduar e plotë këtë vit.
Ndërkohë që rruga këtë vit nuk do të hapet e plotë, pasi tuneli i Murrizit akoma nuk ka përfunduar dhe sipas menaxherit të projektit, ajo do të jetë e aksesueshme vetëm në 80%-in e saj. Pra, është shkelur afati i përfundimit të saj.
Ky është një rast tjetër ku qeveria do të bëjë propagandën e zakonshme me një investim akoma të papërfunduar.
Discussion about this post