Një person ka humbur jetën dhe katër të tjerë janë plagosur pas një shkëmbimi zjarri mes dy automjeteve në kryqëzimin e rrugës “Ilinden” me rrugën “Bllagoja Toska” në Tetovë.
Sipas raportimeve automjeti që u drejtua drejt rrugës “113” ishte një “Ford Fiesta” me targa të Tetovës, por gjatë kontrollit u konstatuan targa të çregjistruara, në pronësi të E.M., 19 vjeç nga fshati Gajre i Tetovës.
Në kryqëzimin e rrugës “Bllagoja Toska” me rrugën “107” u gjet një “Volkswagen Golf” me targa të Tetovës, në pronësi të F.R., 46 vjeç nga Tetova, ku brenda automjetit u gjet një person i vdekur me plagë nga arma e zjarrit.
Në vendngjarje u arrestuan edhe tre persona të plagosur, ndërsa një këmbësor 60-vjeçar, kalimtar rastësor, u lëndua gjithashtu dhe u dërgua për trajtim në Shkup.
Discussion about this post