Mbrojtësi shqiptar, Shkodran Mustafi këtë sezon do të luajë në La Liga me skuadrën e Levantes. Sezonin e kaluar ai ishte pjese e Schalke 04, por rënia në Bundesliga 2 e gjermanëve bëri që Mustafi të largohej.
Aktualisht ai është pa skuadër, por mediat në Spanjë bëjnë me dije se 29-vjeçari ka arritur akordin me Levanten dhe do të firmosë kontratën deri në 2023.
Më parë shqiptari ka luajtur në Spanjë me Valencian, ndërsa tani do të luajë për skuadrën rivale, Levanten.
Zyrtarizimi i këtij transferimi pritet të bëhet në ditët në vijim dhe mbrojtësi do të bashkohet me shqiptarin tjetër që luan te ky klub, Enis Bardhin./Gijotina.com
