Drita Arapi, qytetarja që iu bashkua protestës së djeshme kundër rritjes së çmimeve duket se e kishte një mision.
Ajo dëboi nënë Lizën nga foltorja, e cila së fundmi është kthyer në simbolin e protestave në Shqipëri. Ky veprim shkaktoi shumë polemika në media. Si mundet një protestues të dëbojë dhe të heqë të drejtën e fjalës një protestuesi tjetër në të njëjtën kauzë?
Skandali është më i thellë se kaq. Sipas gazetares së emisionit STOP, Domenika Bajraktari, gruaja në fjalë quhet Drita Arapi dhe i ka të dy djemtë të punësuar në Bashkinë e Tiranës.
“Kjo në foto është DRITA ARAPI me adresë në Facebook Drita Fjoli.
Kjo trimja që shtyn Nënë Lizën është nëna e dy fëmijëve që punojnë te Bashkia e Tiranës, njëri të zyra e aktiviteteve të bashkisë dhe tjetri në Policinë Bashkiake.
Pra qartazi zonja nuk ka qenë si protestuese për kauzën e rritjes së çmimeve dhe krizën që po kalon çdo familje shqiptare.
Drita ka qenë në protestë për të prishur protestën dhe për të DHUNUAR NENE LIZEN.
Meqenëse Drita do të veprojë kështu, atëherë e ftoj me edukatë të më shkruajë dhe të takohem me të nga afër që të diskutojmë se çfarë e shqetëson. Sepse kush prek Nënë Lizën, ka prekur dhe gjyshen time…,” shkruan gazetarja.
Discussion about this post