Shkolla në kushte skandaloze, pa asnjë investim dhe aspak të përshtatshme për të zhvilluar mësimin, ka qenë ky denoncimi, i cili ka mbërritur në adresë të ish-kryeministrit Sali Berisha.
Qytetarët tregojnë se shkollat e Kukësit e fillojnë vitin pa ujë të pishëm, pa xhama dhe pa i lyer as me gëlqere. Ndërkohë, para 10 vitesh, brenda oborrit të shkollës është ndërtuar një qendër shëndetësore e cila nuk funksionon.
Qytetarët e Kukësit ndihen të diskriminuar dhe të harruar nga kryeministri Rama, ndërkohë që kërkojnë një zgjidhje sa më të shpejt të situatës.
‘Narkokryetari merret me ahengje dhe jo me punë’, shkruan Berisha në Facebook.
“Doktor, përshëndetje. Kjo video pasqyron aktualitetin dhe gjendjen mjerane të shkollës 9-vjeçare Gështenjë-Kalis në Kukës. Në oborrin e shkollës është ndërtuar një qendër shëndetësore para 10 vitesh.
Narkoxhi duke bërë ndarje selektive nuk përdor as gëlqere , mungon uji I pijshëm ,xhama nuk ka fare dhe investimi zero . Kjo është përgatitja e tij për vitin e ri shkollor. Ai e ka mendjen vetëm të vjedhë.”- shkruan qytetari.
Ky nuk është rasti i parë i kushteve skandaloze të shkollave, i cili denoncohet nga ish kryeministri Sali Berisha.
