Një makinë është djegur plotësisht pasditen e sotme në “Rrugën e Kombit” në afërsi të fshatit Gziq në Mirditë.
Siç shihet nga pamjet e siguruara nga Gijotina.com, mjeti luksoz ku udhëtonin dy të rinj është shkrumbuar totalisht për shkak të zjarrit dhe ka mbetur prej saj vetëm struktura metalike.
Lidhur me ngjarjen e rëndë, fatmirësisht, dy të rinjtë nuk kanë pësuar lëndime. Nga informacionet deri më tani, nuk dihet shkaku i zjarrit.
Në vendin e ngjarjes kanë shkuar forcat zjarrfikëse, por ka qenë tepër vonë për të shpëtuar makinën pasi është shkrumbuar plotësisht.
Ndërkohë, drejtuesi dhe pasagjeri fatmirësisht kanë arritur të shpëtojnë pa marrë lëndime.
Discussion about this post