Shkullaku: Edi Rama është njeriu i fundit që mund të flasë për Ibrahim Rugovën

Duke komentuar fjalimin e sotëm të Edi Ramës në një takim të Lidhjes Demokratike të Kosovës, analisti Armand Shkullaku thasë ai është njeriu i fundit që mund të flasë për Ibrahim Rugovën.

Sipas Shkullakut, Edi Rama është politikani që nuk ka pasur asnjë mision, qëllim dhe bindje, përveç se për hir të pushtetit ka qenë i gatshëm të bëjë aleancë qelbësirash, koalicione të poshtra, të shesë, shpërndajë dhe të blejë.

“Të komentosh fjalimin e Ramës, mjafton vetëm një titull; Rama di t’i thurë shumë lëvdata dikujt të cilit do të donte t’i ngjasonte.

Pra nëse ka një figurë me të cilin Rama është diametralisht i kundërt është Ibrahim Rugova.

Nëse Rugova gjatë gjithë jetës së vet ka pasur një mision, një qëllim, një bindje, Edi Rama është politikani që nuk ka pasur asnjë mision, qëllim dhe bindje.

Ka pasur qëllim vetëm pushtetin.

Për hir pushtetit ka qenë i gatshëm të bëjë aleancë qelbësirash, koalicione të poshtra, të shesë, shpërndajë dhe të blejë.

E dyta, do të thoja se Rama është njeriu i fundit që mund të flasë për Ibrahim Rugovën.

Pikësëpari as nuk e ka njohur Ibrahim Rugovën.

Së dyti, nuk ka pasur asnjë indikacion në rrugën e tij politike ka pasur një mision apo ideal si Rugova.

Por ç’ka është më e rëndësishme, Edi Rama nuk ka besuar asnjëherë tek çlirimi i Kosovës, pavarësia e Kosovës dhe tek ndikimi që Kosova ka në tërësinë e kombit shqiptar.

Rruga në të cilën Rama ka shkuar sot në Prishtinë, e ka quajtur, rruga që të çon askund.

Ka qenë personi që ka kundërshtuar në mënyrë të prerë të Sali Berishës, kur Shqipërisë iu liberalizuan vizat, për ti dhënë dyshtetësinë shqiptarëve të Kosovës; nëse na vijnë ata përtej malit, këtu fiton Saliu dhe na ngelet në pushtet.

Rama me aq pak sa e ka parë, e ka parë si një instrument për ta përdorur pushtetin e tij në Tiranë.

Ju mbani mend Edi Ramën në Beograd që tha se, Serbia duhet të njohë Kosovën dhe mbani mend Edi Ramën që më pas tha se, Kosova që të njihet nga Serbia të lëshojë disa pjesë të veta.

Se çfarë lidhje ka Edi Rama me LDK-në, as Lumir Abdixhiku sonte nuk do të jepte një përgjigje” tha Shkullaku.