Një ngjarje sa e pazakontë aq edhe tronditëse është raportuar në një kopsht zoologjik në Uzbekistan. Burime nga mediet e huaja bëjnë me dije se një nënë ka hedhur vajzën e saj tre vjeçare në një kafaz ku strehohej një ari i murrme.
Sipas mediave vendase mësohet se fëmija si pasojë e rënies është plagosur dhe ndodhet nën mbikëqyrjen e mjekëve, fatmirësisht jashtë rrezikut për jetën. Fatmirësisht ariu vetëm e nuhati vogëlushen dhe u largua. Në videon më poshtë mund të shikoni momentin teksa gruaja hedh vogëlushen dhe më pas e shikon e pashqetësuar.
Gruaja menjëherë u arrestua nga policia dhe tani po përballet me akuzën për tentativë vrasjeje për të cilën dënimi maksimal në Uzbekistan është 15 vjet burg, sipas DailyMail.
Nuk dihen motivet e kësaj ngjarjeje tronditëse. Pritet të zbardhen detaje pas marrjes në pyetje të të arrestuarës.
Discussion about this post