Short i pamëshirshëm, Portugalia dhe Italia përballen në play off të Botërorit

Është hedhur sot shorti i fazës play off në Botërorin e Katarit 2022 teksa goglat janë treguar të pamëshirshme me Italinë e Portugalinë. Të dyja skuadrat janë në një grup dhe do të duhet të përballen me njëra tjetrën për të siguruar kalimin më tej.

“Të kaltrit” do të sfidojnë Maqedoninë e Veriut në gjysmëfinale dhe më pas në finale do të përballen me fituesen e çiftit Portugali-Turqi, për të marrë një biletë për në Katar.

Gjysmëfinalet e Play Off-it të Katar 2022 do të luhen më 24 mars, ndërsa 5 ditë më vonë, do të luhen finalet, ku edhe do të përcaktohen tre skuadrat e fundit që do të garojnë në Botërorin e ardhshëm.

Grupi A
Skoci-Ukrainë 24 Mars
Uells-Austri 24 Mars
Finale: Fitueset në Uells ose Austri   29 Mars

Grupi B
Rusi-Poloni  24 Mars
Suedi-Republika Çeke  24 Mars
Finale: Fitueset në Rusi ose Poloni  29 Mars

Grupi C
Itali-Maqedoni e Veriut  24 Mars
Portugali-Turqi  24 Mars
Finale: Fitueset në Portugali ose Turqi   29 Mars