Në prag të derbit kundër Rajo Vajekanos, trajneri i Real Madridit Carlo Ançeloti ka dalë në një konferencë për mediat. Ajo u cilësua si një nga komunikimet më të shkurtra të italianit, edhe pse ai i preku të gjitha temat e rëndësishme, duke u nisur që nga shorti i Champions League, që do të hidhet sot në mesditë.
Lexo edhe: Shorti 1/8 të Champions League, priten finale të parakohshme
Ançeloti nuk i ka kursyer batutat, duke kujtuar gafën e UEFA-s vitin e kaluar, që e detyroi atë të hidhte për së dyti shortin pas gafës me Atletikon e Madridit.
“Besoj se do të përballemi me një kundërshtar të fortë, kjo është e sigurt. Uroj që UEFA të mos e katranosë sërish si vjet. Por, në këto momente nuk më shqetëson shumë shorti i Ligës së Kampioneve. Më shqetëson më shumë ndeshja kundër Vajekanos”, ka thënë trajneri i Realit të Madridit.
Discussion about this post