Shpërndante drogë, kapet trafikanti në Korçë, e pësojnë dhe dy shoferë të dehur

Një trafikant droge ka rënë në prangat e policisë në Korçë. Burime nga policia për gijotina.com bëjnë me dije se bëhet fjalë për të arrestuarin e identifikuar me iniciale R. A., 25 vjeç, banues në fshatin Vashtmi, Maliq, pasi në lagjen nr. 2, Korçë, gjatë kontrollit fizik, ju gjet një sasi me lëndë të dyshuar narkotike Cannabis Sativa, e cila u sekuestrua në cilësinë e provës materiale.

Pritet që i arrestuari të përballet me akuzën për veprën penale “Prodhimi dhe shitja e narkotikëve”,

Në pranga ka rënë edhe drejtuesit e mjeteve të identifikuar me iniciale M. M., 48 vjeç, banues në fshatin Vinçan Korçë dhe E. G., 37 vjeç, banues në fshatin Kamenicë, Korçë, pasi janë kapur nga shërbimet e policisë, respektivisht në lagjet nr. 17 dhe 16, në Korçë, duke drejtuar mjetet tip “Ford” dhe “Benz”, në gjendje të dehur.

Pritet që të arrestuarit të përballen me akuzën për veprën penale “Drejtimi i automjeteve në mënyrë të parregullt”