Incidente të rënda shpërthyen ditën e sotme në qendrën e emigrantëve në Kleidi Sintiki, në Serres të Greqisë. Sipas mediave greke, disa emigrantë i vunë flakën rrobave në oborrin e qendrës, duke shkaktuar trazira dhe reagimin e forcave të ELAS-it.
Gjatë ngjarjes, 25 persona u arrestuan, ndërsa dy policë u plagosën, njëri nga një gur dhe tjetri gjatë një arrestimi, sipas raporteve zyrtare.
Kryengritësit janë kryesisht emigrantë egjiptianë, por në kamp ndodhen edhe persona nga Pakistani dhe Bangladeshi.
Mediat greke raportojnë se trazirat ndodhën për shkak se emigrantët nuk kanë të drejtë për azil dhe nuk mund të largohen nga qendra.
Një dosje penale po hartohet për incidentin, ndërsa kamerat e sigurisë po analizohen për identifikimin e personave të përfshirë.
Qendra në Kleidi Sintiki funksionon si një objekt i mbyllur, ku emigrantët mbeten nën izolim administrativ deri në përfundimin e procesit të shqyrtimit të kërkesës për mbrojtje ndërkombëtare.
Discussion about this post