Shpërthen bombola e gazit në banesë, digjen 3 persona

Tre persona kanë mbetur të plagosur nga shpërthimi i një bombole gazi në Maliq këtë pasdite.

Policia njoftoi se rreth orës 16:15, në fshatin Vashtëmi, Maliq, në banesën e shtetasit R.K., 59 vjeç, dyshohet se nga pakujdesia ka plasur një bombol gazi.

Për pasojë kanë marrë djegie trupore shtetasit R.K; djali i tij T. K., 34 vjeç, si edhe familjari i tyre shtetasi A. M., 40 vjeç, të cilët ndodhen në spitalin e Korçës nën kujdesin e mjekëve.

Grupi hetimor po punon për sqarimin e rrethanave të ngjarjes.