Dy persona kanë mbetur të plagosur nga shpërthimi i një bombol gazi në Durrës. Policia njofton se ngjarja ka ndodhurrreth orës 14:45,në Kallm. Dyshohet se si pasojë e rrjedhjes së gazit ka marrë flakë dhe më pas ka shpërthyer një bombël gazi në lokalin e personit të identifikuar me iniciale M. B.
Ndër të tjera policia thekson se nga shpërthimi i bombulës së gazit janë lënduar personat e identifikuar me iniciale M. B., 28 vjeç pronari i lokalit dhe klientja e identifikuar me iniciale M. K., 35 vjeçe, të cilët ndodhen nën kujdesin e mjekëve, jashtë rrezikut për jetën.
Një rast i ngjashëm është raportuar gjithashtu edhe në orën 15:15, në fshatin Perlat, Manëz, ku personi i identifikuar me incialke B.I., 67 vjeç, dyshohet se i ka vendosur zjarrin banesës së tij e për pasojë ka pësuar lëndime dhe ndodhet në kujdesin e mjekëve.
Grupet hetimore ndodhen në vendngjarje dhe po punojnë për zbardhjen e plotë rrethanave të ngjarjeve.
