Shpërthen bombola e gazit në Pogradec, plagoset një grua

Një e moshuar ka mbetur e lënduar këtë të mërkurë në Pogradec, pasi në banesën e saj ka shpërthyer një bombol gazi.

“Rreth orës 10:30, në lagjen nr.5 Pogradec, në banesën e shtetases E. P., 71 vjeçe, dyshohet se ka shpërthyer një bombël gazi. Si pasojë e shpërthimit është dëmtuar 71-vjeçarja, e cila aktualisht po merr mjekim në spitalin e Pogradecit, jashtë rrezikut për jetën”, njoftoi policia.

Grupi hetimor ndodhet në vendngjarje dhe po punon për sqarimin e plotë të rrethanave të rastit, shtuan të njëjtat burime.