Një shpërthim me tritol ka ndodhur në biznesin e reperit Noizy në Durrës. Ngjarja ka ndodhur rreth orës 04:24.
Të njëjtat burime bëjnë me dije se në lagjen Nr.13, në një ambient (butik rrobash) të marrë me qira nga Bashkim Rajku., ka shpërthyer një sasi lënde eksplozive.
Bashkim Rajku është babai i reperit i cili dy ditë më parë u përfshi në një sherr në grup.
Si pasojë ka vetëm dëme materiale. Grupi hetimor nën drejtimin e Prokurorisë vijon hetimet për zbardhjen e ngjarjes, identifikimin e kapjen e autorit/ve.
Dy ditë më parë, Noizy u përfshi në një sherr me ish-anëtarin e grupit TBA, Kleviol Ahmeti i njohur me nofkën “Cllevio Serbiano”. Thuhet se sherri ka filluar pasi ky i fundit ka folur kundër reperit në rrjete sociale. Pas lirimit nga burgu, Klevio ka ofenduar sërish anëtarët e OTR.
Dje, ai ka vendosur që të shkojë tek lokali i Noizyt në Durrës por duket që kjo gjë nuk u prit mirë nga ky i fundit dhe e gjithë situata ka agravuar në përleshje.
Discussion about this post