Shpërthimi i tritolit mbrëmjen e djeshme në lagjen “8 shkurti” në Fier, ka shkaktuar dëme të shumta materiale në dy hyrje. Banorët e kësaj zonë tregojnë momentin kur kanë dëgjuar shpërthimin e lëndës plasëse, që u vendos tek dera kryesore e hyrjes se Asqeri Hyskaj i cili sipas fqinjëve, prej 25 vitesh jeton jashtë shtetit.
Të trembur e të shqetësuar, banorët tregojnë se nuk e prisnin që tritoli të vendosej në banesën e Hyskaj, pasi ai nuk njihet si person me probleme në të shkuarën. Ata hedhin posjhtë se 90- vjeçari mund të ketë patur borxhe apo probleme me ndokënd, pasi prej 25 vitesh është në emigrim dhe kthehet në shtëpi vetëm në sezonin e verës.
“E dëgjuam shumë, u trembëm, ka tre vajza shumë të mira, janë në itali këtë behar ishte në Itali. Ata vijnë vit për vit, jam trembur shumë fare. Kishte shpërthyer dhe dera e hekurit kishte dalë matanë, dolëm pastaj. Asqeriu është burri i lartë shumë, 90 vjeç burrë. Kanë shumë vite që kanë ikur në emigracion, vijnë verë për verë. Ai tre vajza ka i ka të martuara, ai është alamet burri, nuk është borxhli”, është shprehur banorja.
Ndër të tjera banorët, të shqetësuar shprehen se zhurma është dëgjuar në të gjithë lagjen. Ata bëjnë apel që policia ta zbardhë ngjarjen pasi dyshojnë se ky është sinjal për dikë, edhe pse hedhin poshtë dyshimet se shënjestra mund të ketë qenë Asqeriu.
“Pamë që te dera e aktit të katër kishin vënë tritol. Asqeriu ska asnjë problem, këtu sbanon njeri ka 25 vjet. U trembëm shumë se shpërthyen dyert ëshët carë soleta. Ndodhi natën, nuk pamë njeri. Të jesh në një pallat ku janë 20 familje, ku shumica janë të moshuar, të rinj dy tre vetë janë, e të të venë tritol, sigurisht që jam i shqetësuar. Për mua është sinjal për dikë se për kë ta gjejë policia”, është shprehur banori.
Discussion about this post