Shpërthimi terrorist në Stamboll ka risjellë një motiv për Turqinë që të përplaset sërish me Greqinë. Mediat greke i kanë bërë jehonë deklaratave të ministrit të Brendshëm të Turqisë, Suleiman Soylu, i cili mëngjesin e së hënës tha se nëse gruaja që është arrestuar si autore e shpërthimit në Stamboll nuk do të ishte arrestuar nga autoritetet, ajo do të kishte arratisur në mënyrë klandestine ndaj Greqisë.
Mediat e huajashkruajnë se kjo deklaratë “tregon synimet e Turqisë për të përfituar nga ngjarja tragjike duke e futur vendin tonë në “kornizë” dhe duke forcuar më tej klimën e tensionuar”.
Lexo edhe: Ndodhej pranë vendit ku ndodhi shpërthimi në Stamboll, këngëtari shqiptar rrëfen detajet
Sipas mediave turke, autorja e sulmit terrorist të së dielës është një grua nga Siria, e cila dyshohet se ka rrëfyer se është trajnuar nga luftëtarët kurdë dhe ka kaluar në Turqi – përmes rajonit veriperëndimor të Sirisë, Afrin, për të kryer sulmin terrorist në Stamboll.
Autoritetet besojnë se gruaja ka marrëdhënie me Partinë e Punëtorëve të Kurdistanit ( PKK ), e cila konsiderohet një organizatë terroriste nga Turqia , SHBA dhe BE.
Analistët vlerësojnë se incidenti në sheshin Taksim do të përdoret nga Erdogan për të ushtruar presion ndaj Greqisë, si për “kampin e trajnimit” të supozuar në Lavrio, ashtu edhe për dorëzimin tek autoritetet turke të kurdëve, si dhe të arratisurve të FETO-s – Gulenistët – që jetojnë në vendin tonë”.
Qeveria greke ka reaguar me një përgjigje për ministrin e Brendshëm turk Suleiman Soylu, lidhur me deklaratat e tij se nëse nuk do të arrestoheshin autorët e dyshuar të shpërthimit në Stamboll, “ do të kishin ikur në Greqi”.
Discussion about this post