Kombëtarja e Shqipërisë do të zbresë pas pak minutash në tapetin e gjerlbërt të “Air Albania” ku do të përballet me Andorran në ndeshjen e fundit të fushatës së kualifikueseve të kampionatit Botëror.
Kuqezinjë e drejtuar nga trajneri Edi Reja kërkojnë pikët maksimale për të blinduar vendin e tretë në grup dhe për të lënë pas skuadrën e Hungarisë. Pak çaste më parë është publikuar formacioni i Kombëtare shqiptare ku janë konfirmuar tre futbollistë nga ndeshja e fundit me Anglinë, Strakosha, Hysaj dhe Uzuni.
Shqipëria: Strakosha, Hysaj, Mihaj, Dermaku, Hoxhallari, Roshi, Ramadani, Laçi, Çekiçi, Seferi, Uzuni.
Shqipëria është e dënuar për të fituar këtë duel dhe të mbyll në vendin e tretë kualifikueset e kampionatit Botëror në kuotën e 18 çka do të ishin një rekord më vete për këtë Kombëtare.
Andorra: Gomes, M. San Nicolas, Llovera, Garcia, Alavedra, Cervos, C. Martinez, M. Vieira, Pujol, Alaez, Rosas.
Discussion about this post