Partia Demokratike ka reaguar pas raportit të INSTAT se Shqipëria ka pagën më të ulët në kontinentin e vjetër. Nëpërmjet deputetes Ilda Dhori, opozita fajëson qeverinë për renditjen e Shqipërisë në këtë pozicion, ndërsa deklaron se niveli i lartë i korrupsionit pengon demokracinë dhe zhvillimin ekonomik të tregut të lirë.
“Kjo statistikë e Eurostatit, që konfirmon ngecjen në vendnumëro të vendit tonë, është ilustrimi më kuptimplotë i pasojave që ka korrupsioni, si armiku i mirëqënies së shqiptarëve, për të cilin pak ditë më parë, raporti i prestigjiozes Transparency International, shënonte një tjetër përkeqësim për Shqipërinë. Korrupsioni i përhapur në çdo nivel të qeverisjes së Edi Ramës, është arsyeja pse Shqipëria ka paga më të ulëta në Europë dhe shkallën e varfërisë më të lartë në Rajon. Korrupsioni që gërryen çdo ditë institucionet, demokracinë, liritë dhe të drejtat, shkatërron tregun e lirë, është armiku numër një i familjeve shqiptare, i sipërmarrësve të ndershëm, i pensionistëve të harruar, i të rinjve dhe të rejave që largohen nga Shqipëria”, tha Rama.
Në këtë mënyrë, PD shton se lufta ndaj korrupsionit është interes kombëtar dhe bëri thirrje që shqiptarët të ndahen njëherë e mirë nga e kaluara dhe korrupsioni.
Discussion about this post