Shqipëria i bashkohet 44 shteteve në mbështetje të Ukrainës në konfliktin e saj territorial me Rusinë. Këtë të hënë u miratua një deklaratë e përbashkët në Samitin e Platformës së Krimesë në Kiev për mbështetjen e Ukrainës ndaj agresionit rus.
Në përfaqësinë e Shqipërisë, Ministrja e Shtetit për Marrëdhëniet me Parlamentin, Elisa Spiropali shprehu mbështetjen e palëkundur të vendit tonë ndaj integritetit territorial dhe sovranitetit të Ukrainës.
Ajo shprehet se aneksimi i Krimesë dhe agresioni i Rusisë është një kërcënim serioz i paqes dhe sigurisë ndërkombëtare.
Sipas saj, themelimi kësa platforme synon t’i japë fund agresionit rus që po bëhet ndaj Ukrainës dhe territorit të saj.
“Shqipëria është në një pozitë të palëkundur dhe të qartë në mbrojtje të integritetit territorial, sovranitetit dhe pavarësisë së Ukrainës, një qëndrim i njëjtë si SHBA dhe shteteve të tjera demokratike në linjë të njëjtë me principet dhe ligjeve ndërkombëtare. Ne do të jemi të angazhuar se do ta mbajmë këtë qëndrim. Shqipëria i bashkohet jo vetëm qëndrimit të SHBA-së, por edhe sanksioneve ndaj Rusisë. Shqipëria e pranon Samitin e Platformës së Krimesë me prioritetet e saj, duke përfshirë dhe kërcënimet ndaj sigurisë së Europës lindore, Detit të Zi dhe Mesdheut. Shqipëria votoi pro rezolutës së OKB-së mbi problemin e fuqizimit ushtarak të republikës autonome të Krimesë dhe qytetit Sevastopol si dhe pjesës së Detit të Zi, Azovit.
Ne vlerësojmë bashkëpunimin e Ukrainës gjatë kohës që Shqipëria drejtonte OSBE-në 2020. Në Kiev e Neë York, kreu i OSBE-së njëkohësisht dhe kryeministri i Shqipërisë Edi Rama, ka ngritur rëndësinë hapave që duhet të ndërmerren drejt rezolutës së paqes. Dhe ne i besojmë nevojës për implementimin e misionit monitorues të OSBE-së në Ukrainë. Mbrojtja e të drejtave njerëzore dhe ligjeve ndërkombëtare për të drejtat e njeriut, Shqipëria është mbështetëse tradicionale e rezolutës në situata kur cënohet e drejta e njeriut në republikën autonome të Krimsë dhe qytetit të Sevastopol dhe kemi votuar pro kësaj resolute duke i tejkaluar pasojat negative në ekonomi.
Ne mirëpresim themelimin e zyrës kombëtare të Platformës së Krimesë ndërkohë që ekspertët do të japin informacione dhe mbështetje përmes analizave për aktivitetet e kësaj platforme dhe do të kontribuojnë në transparencën e saj, që ne e vlerësojmë të rëndësishme. Themelimi i kësaj platforme, si një format bashkëpunimi synon një fund paqësor të agresionit rus si dhe rikthimin e integritetit të Ukrainës në territorin e saj. Shqipëria i bashkohet deklaratës së Platformës së Krimesë dhe anëtarëve të saj, Krimea është Ukraina” – tha Spiropali.
