Ish-ministri i Shëndetësisë dhe deputeti Tritan Shehu i ka konsideruar tragjike shifrat e fundit të Covid-19 vë vend. Sipas tij realiteti po fshihet qëllimisht duke thënë se kjo është një vepër penale.
“Ndërsa shqiptaret po vdesin ne shumice, kjo Qeveri vazhdon ne pa përgjegjshmërinë e pa aftësinë e saj, ky është krim! Indekset Covid të këtyre ditëve, (flas vetëm për shifrat zyrtare), janë tragjike:
1-Gjatë kësaj periudhe mesatarisht jemi në 10 vdekje në ditë, me një tendencë të frikshme të uljes së moshës. Pra jemi në 3,5 vdekje për 1 milion banorë. Italia aktualisht është mesatarisht ne 0,6 vdekje për 1 milion banorë.
2- Në Shqipëri kryhen mesatarisht 3500 testime pra 1200 për 1 milion banorë. Në Itali kryhen mbi 500 mije testime ose afër 8 mije për 1 milion banorë.
3- Në Shqipëri diagnostikohen pozitive rreth 550 ne dite, me një pozitivitet 16%. Ne Itali diagnostikohen rreth 2700 raste të reja në ditë me një pozitivitet 0,5%.
Dhe te jeni te bindur se në të vërtetë këto shifra për neve janë disa herë më të larta, ashtu siç dolën numrat e vdekshmërisë, që kapërcyen 16 mije”, ka shkruar ai.
Më tej si shprehet se Shqipëria renditet nën mesataren botërore të vaksinimit dhe në një kohë që Italia ka vaksinuar mbi 80% të popullsisë ne vaksinohemi me vaksina të pa certifikuara dhe kineze.
