Prej disa javësh çmimi gazit në vend është ngritur për të gjitha kategoritë, por familjarët e ndjejnë më shumë barrën që iu shtohet. Ata tregojnë në ankesat që bëjnë për mediet ata tregojnë se, nëse për një bombol gazi 10 kg dikur paguanin 1.300 lekë, sot nxjerrin nga xhepi 1.700 lekë.
Furnitorët thonë se kjo rritje me 500 lekë ka ardhur brenda një periudhe shumë të shkurtër, ndërsa konsumatorët ankohen se nuk e përballojnë dot. “Më zi, më keq nuk ka ku të shkojë. Është rritur. Përdor një bombol në muaj, për gatim. Gazin e përdor për gatim. Është rritur shumë i papërballueshëm”, tha një qytetarë.
Por, jo vetëm qytetarët, rritjen e çmimit të gazit po e vuajnë edhe fast food-et, mensa apo restorante Gazi përdoret masivisht për gatim në këto biznese dhe pronarët po mendojnë të ngrenë çmimet, që t’i bëjnë ballë krizës. “Të gjitha pajisjet që përdorim ne janë me gaz, bazën e kemi te gazi. Kemi konsum ditor dy bombola gazi të mëdha në ditë, rreth 50 kg. E merrnim 20 mijë lekë, tani ka shkuar 35 mijë lekë. 70 mijë lekë në ditë gaz. Me gazin jemi shumë problem. Po punojmë pa fitim. Gazi është rritur jashtëzakonisht shumë. Do bëjmë si do bëjmë, do presim janarin dhe do të rrisim të gjithë çmimet”, shprehet një pronar fast-foodi.
Nga 1 janari i vitit të ardhshëm, qeveria ka propozuar akcizë 6 lekë për litër edhe për gazin e lëngshëm që familjet shqiptare përdorin për ngrohje a gatim, çka do të thotë se çmimet do të vijojnë trendin rritës. Sakaq, kujtojmë se opozita dhe disa ekspertë kanë kërkuar përjashtimin e familjarëve nga kjo taksë.
Discussion about this post