Nafta dhe benzina po iu kushton më shtrenjtë drejtuesve të mjeteve në Shqipëri.
Çmimi i karburantit u rrit për të katërtën herë radhazi që pas daljes së vendit nga karantina.
Në pikat kryesore nafta dhe benzina po tregtohen 3 lekë më shumë. Nëse rreth dhjetë ditë më parë 1 litër naftë mund ta blije me 166 lekë sot e ajo kushton 169 lekë. Ndërkohë, për të njejtën sasi gjatë pandemisë paguaje 148 lekë.
Në pesë muaj çmimi i naftës në vend është rritur me mbi 14% ose 21 lekë për litër.
Shtrenjtimi i parë u shënua në shkurt 2021, me 6-8 lekë për litër, i dyti në maj me 5 lekë për litër, po me kaq edhe në fund të qershorit dhe në tre lekë ditët e fundit.
Operatorët e tregut rritjen e çmimit e justifikojnë me shtrenjtimin e karburanteve në tregjet ndërkombëtare.
Në bursa çmimi i naftës ka arritur në 75.8 dollarë për fuçi, nga 27 dollarë që zbriti në prill të 2020.
Ndërkohë në mars të vitit të kaluar, çmimi I naftës u ul me shpejtësi dhe në tregun vendas.
Nga mbi 180 lekë që ishte në shkurt, zbriti poshtë 150 lekëve./Abcnews.al
