Shtyhet për në datën 2 shkurt seanca paraprake për ish-zëvendëskryeministrin Arben Ahmetaj, për atë që njihet si dosja ‘Buka’.
Avokatët e Ahmetajt thanë se kërkesa për gjykim duhet të konsiderohet e pavlefshme. Sipas tyre, duhet të kthehen aktet për hetim nga SPAK.
“SPAK ishte i paqartë në qëndrimin e tij,” thanë avokatët.
Sipas Prokurorisë së Posaçme, në kohën kur mbante postin e ministrit të Financave, Ahmetaj ka shpërdoruar detyrën duke kryer parregullsi në këtë proces dhe duka ia shitur fabrikën e bukës një biznesmeni, edhe pse shteti shqiptar ia kishte njohur më parë truallin ish-pronarëve.
Sipas SPAK, nga ky veprim i Ahmetajt, buxhetit të shtetit i është shkaktuar dëm prej 7 miliardë lekësh.
Vetë Ahmetaj ka reaguar disa herë nga arratia për çështjen e inceneratorëve dhe të ish-fabrikës së bukës, duke pretenduar pafajësi dhe duke e cilësuar si tragjikomike akuzën e SPAK. Ahmetaj thotë se ka mbrojtur interesat e shtetit shqiptar.
Discussion about this post