I burgosuri i regjimit 41-bis Emiliano Shullazi, ditën e sotme është transferuar nën masa të rrepta sigurie në ambientet e sektorit 41-bis në IEVP “Jordan Misja”.
Rreth orës 17:25, Shullazi është transferuar nga ambientet e Q.S.B ku ndodhej për mjekim prej datës 18.03.2022. Lëvizja e tij u krye në masa të rrepta sigurie nën shoqërimin e Forcave Operacionale të DPB, Renea dhe Policisë së Shtetit.
Procedura e transferimit është kryer pa asnjë incident. Kujtojmë se dy ditë më parë, Shullazi iu nënshtrua një operacioni në dy krahët.
Më 25 MARS 2022 pas 83 seancash gjyqësore të zhvilluara në dy vite Gjykata e Posaçme e Apelit ka dënuar me vendim të formës së prerë me 55 vite burg Shullazin dhe grupin e tij dhjetorin e vitit të kaluar. Shullazi ka bërë rekurs të vendimit të apelit të GJKKO. Nën akuzën e gjobëvënie dhe krijim të grupit të strukturuar kriminal, Emiliano Shullazi është dënuar me 14 vite burg, ndërsa me 12 vite burg u dënua Gilmando Danin, Endrit Qyqja me 10 vite, Indrit Zela me 10 vite dhe Blerim Shullazi me 9 vite burg. Emiljano Shullazit vijon të jetë në hetim nga SPAK për akuzën e “Vrasjes në rrethana cilësuese” të Vajdim Lamajt dhe Klodian Saliut, ngjarje kjo e ndodhur në muajin shkurt të vitit 2005 në Tiranë.
Aktualisht Shullazi dhe Endrit Qyqja janë të izoluar në regjimin “41 bis”, i cili është krijuar për të mbajtur larg kontakteve të mundshme disa nga personazhet më të rrezikshëm që ndodhen burg dhe konsiderohen shumë të rrezikshëm për shoqërinë apo kanë kontakte jashtë me botën e krimit.
Discussion about this post