Me dhjetëra vajza dhe djem hodhën vallen para kryeministrit Edi Rama i cili ishte i pranishëm në panairin e artit organizuar nga shkollat artistike në vend. Panairi u organizua paraditen e sotme para kryeministrisë. Për të gjithë ata që kanë përjetuar kohën e komunizmit, kjo pamje vinte si një refleks i kohërave kur nxënësit në shkolla apo festa prisnin me entuziazëm të imponuar ish-diktatorin Enver Hoxha. Por, me një ndryshim këtë herë dhe selfie të fëmijëve me Ramën.
Kryeministri Edi Rama u shoqërua nga ministrja Bora Muzhaqi.
Në një moment organizatori i tha kryeministrit se kishte një surprizë dhe menjëherë fëmijët e veshur me kostume popullore nisën të kërcenin vallet tona.
