Plot 50 mijë hektarë tokë kanë djegur zjarret në Shqipëri nga janari 2025 deri më tani.
Të dhënat zyrtare janë bërë publike nga Sistemi Evropian i Informacionit për Zjarret në Pyje.
Sipas shifrave, në gjysmën e parë të këtij viti janë regjistruar 93 vatra zjarresh, të cilat kanë shkatërruar sipërfaqen prej 50 mijë hektarësh.
Gjatë vitit 2024, u dogjën 46,6 mijë hektarë tokë nga 168 zjarre në total.
Rastet më të rënda janë shënuar në vitin 2012 me 53 mijë hektarë tokë të djegur, në vitin 2011 me 54 mijë hektarë tokë të djegur dhe në vitin 2007 me 127 mijë hektarë tokë.
Zjarret e fundit në vendin tonë në shumicën e rasteve rezulton të kenë qenë të qëllimshme.
Flakët shkaktuan dëme të shumta, ndërsa shënuan edhe një viktimë në Gramsh.
Discussion about this post