Ish-deputeti i Partisë Demokratike, Aldo Bumçi, ka treguar se kjo protestë do të jetë revoltë ndaj një qeverie që duhet të bjerë. Sipas tij, Rama ka kaluar çdo limit dhe nuk duhet toleruar më. Ai u bëri thirrje shqiptarëve të dalin në protestë për të rrëzuar qeverinë e kryeministrit Rama, të cilin e quan “sulltan” që ka marrë në duart e tij të gjitha pushtetet dhe po ‘rrënon’ ekonominë vendase.
“Kjo protestë është lajm shpresëdhënës për një vend që prej 10 vitesh po drejtohet nga një sulltan që ka kapur çdo pushtet. Ky njeri duhet rrëzuar dhe këto njerëz kanë dalë për të thënë se janë Zot të këtij vendi dhe jo sulltani. Ka revoltë por jo skenar dhune, kështu nis ndryshimi. Për çdo protestues sot në shesh, nga Shkodra në Sarandë, nga Kukësi në Kolonjë janë frymëzim për ata që ndodhen në shtëpi.
Sot ne kemi vetëm besimin që na kanë dhënë njerëzit, nuk kemi bashki as pushtet. Të dalin të gjithë dhe të rrëzojmë këtë sulltan! Nuk do jetë protesta e fundit, jemi të vendosur që këtë revoltë popullore ta çojmë deri në fund”, tha ai.
Më herët edhe Meta me Berishën kanë paralajmëruar se do të jetë protestë paqësore, por me qytetarë të revoltuar. Prandaj, i kanë kërkuar policisë që të mos ndalojë qytetarët.
Protesta/ Salianji: Nesër të gjithë bashkë kundër abuzimeve të qeverisë
Discussion about this post