Skandal në Angli “Një gojë myslimani më pak për të ushqyer” detaje nga vdekja e shqiptarit/ FOTO

Detaje rëngjethëse dalin në dritë pas vdekjes së shqiptarit Leonard Farruku, në azil.

Sipas mediave britanike, emigrantët përballen çdo ditë e trajtime çnjerëzor dhe racizëm të pastër etnik dhe fetar.

Ngjarja sipas medias britanike thuhet se ka ndodhur pak pasi, Leonard Farruku, një azilkërkues shqiptar, vdiq teksa jetonte në bordin e “anijes burg” në dhjetor.

Farruku vrau veten pas problemeve që hasi aty.

Sipas dëshmive të një të burgosuri tjetër tha se kjo i bënte të ndiheshin si ‘kafshë kopshti zoologjik’, ndërsa një tjetër pretendoi se stafi i sigurisë u kishte thënë që ‘të mbanin gojën mbyllur’.

Një pastruese u shpreh në një takim në Parlament dhe tha se dëgjoi stafin që flisnin për Leonardin dhe qeshnin dhe bënin shaka, ‘oh kjo është një gojë më pak muslimane për të ushqyer’.

Ajo tha se ishte ‘e vështirë’ të ngrinte shqetësime dhe shtoi se një herë iu dha një ‘paralajmërim verbal se nuk duhej të ishte “shumë miqësore” ndaj azilantëve aty.

Ish-punonjësja gjithashtu pretendoi se stafi i lartë kishte bërë komente që ishin ‘shpesh armiqësore dhe ndoshta raciste’.

Ndërkohë, Ministria e Brendshme britanike thekson se nuk është vënë në dijeni dhe nuk ka të dhëna se rojet e sigurisë ishin shprehur se pas vdekjes së Farrukut “kishin një gojë myslimani më pak për të ushqyer”.