Nënkryetari i Partisë Demokratike, Enkelejd Alibeaj, ka reaguar ashpër sot pas publikimit të listës së dytë me pagat e prillit. I revoltuar gjatë një interviste televizive ai ka kërkuar dorëheqjen e kryeministrit Rama. Sipas tij, qytetarët shqiptarë ndihen të tradhtuar nga shteti i vet pasi nuk mundi të ruajë të dhënat.
“Nuk ka asnjë lloj ndjeshmërie me shkeljen e të dhënave personale. Pushteti nuk do t’ia dijë për të dhënat e tua dhe vazhdon të kërkoj ndjesë. Sjellja normale duhej të ishte ndjesë dhe dorëheqje. Ndëshkimi duhet të jetë i natyrës politike. Nëse një skandal i tillë do të ndodhte në një vend të Europës dorëheqja do të ishte minimumi. Kryeministri duhet të mbajë përgjegjësi politike dhe jo penale që është e dorës së dytë. Ajo dorë që duhej ta ruante ka në krye vetëm një person dhe ai është kryeministri. Nuk është incident, por një skemë e mirëfilltë e mbledhjes së të dhënave dhe kalimi i tyre në duar të paautorizuara. Kjo situatë krijon destabilitet e shqetësim. Kushdo sot ndihet i tradhtuar nga shteti i vet”, tha ai.
Alibeaj i ka kërkuar prokurorisë të ecë shpejt me hetimet pasi masiviteti i këtij skandali po cenon sigurinë kombëtare. “Shpresoj se hetimi do të jetë i shpejtë jo si i patronazhistëve. Në zgjedhje u përdorën legalizimet, dëmshpërblimet, administrata. Sot votuesit shqiptarë ndodhen përballë këtyre zjarreve. Është e kuptueshme qartësisht se kjo skemë u përdor qartë për synime elektorale. Është hapur edhe një Komision hetimor i cili u vendos ndërprerja e hetimeve. Ditë pas dite duket se ku është synimi. Shtetii i cili duhej t’i mbronte të dhënat, po i përdor kundër individit për të votuar kundër vullnetit të tij për partinë në pushtet. Masiviteti e bën edhe kërcënues të sigurisë kombëtare. Dua një orë e më parë që prokuroria të ecë sa më shpejt, kush është ajo dorë që ka ngulur këtë thikë pas shpine. Është detyrimi i opozitës të ndërmarrë të gjitha aktet për të refuzuar këtë pushtet. Opozita po mendon edhe për qytetarët, por çdo individ duhet të refuzojë këtë që po i bëhet”, ndërsa theksoi se opozita do të organizojë protesta për të drejtat e qytetarëve.
Discussion about this post