Mbikëqyrësja e skenarit “Rust”, Mamie Mitchell, personi i parë që telefonoi 911 pasi Halyna Hutchins u qëllua aksidentalisht nga Alec Baldwin në setin e filmit muajin e kaluar, është duke ngritur një padi kundër Alec Baldwin dhe producentit me avokaten e fuqishme Gloria Allred si avokate të saj.
Sipas Hollywood Reporter padia u ngrit pretendohet se në skenar nuk përmendej se do të kishte të shtëna.
Padia pretendon sulm, shkaktim të qëllimshëm të shqetësimit emocional dhe shkaktim të qëllimshëm të dëmit. Mitchell më parë i tha Associated Press se ajo po qëndronte pranë Hutchins kur kineastja u godit.
“Unë vrapova jashtë dhe thirra 911 dhe thashë ‘Sillni të gjithë, dërgoni të gjithë.’ Kjo grua është zhdukur në fillim të karrierës së saj. Ajo ishte një grua e jashtëzakonshme, e rrallë, shumë e rrallë” – tha Mitchell.
Mitchell tha se ajo po qëndronte në më pak se katër këmbë larg nga Hutchins kur u qëllua dhe u godit nga plumbi.
“Nuk do ta harroj kurrë atë që ndodhi në xhirimet e Rust atë ditë. Unë i ripërjetoj të shtënat dhe zhurmën e shpërthimit nga arma pa pushim,” – tha ajo.
Ndërsa Allred u shpreh se Baldwin fillimisht duhej që ta kishte kontrolluar armën, në vend që të zgjidhte të luante “ruletë ruse”.
“Alec Baldwin qëllimisht, pa arsye apo justifikim, u përkul dhe qëlloi me armën e mbushur, edhe pse skena e ardhshme që do të filmohej nuk kërkonte goditjen dhe shkrepjen e armës së zjarrit. Zoti Baldwin zgjodhi të luante Roulette Ruse me një armë të mbushur pa e kontrolluar atë dhe pa e bërë atë të blinduar,” – tha avokatja Allred.
Ngjarja e rëndë ndodhi me 21 Tetor, ku kineastja Halina Hutchins ndërroi jetë pasi Baldëin qëlloi një armë, për të cilën besonte se ishte e sigurt. Megjithatë, arma kishte një plumb të vërtetë për arsye që mbeten të panjohura edhe sot e kësaj dite.
Discussion about this post