Skënderbeu ka siguruar matematikisht vendin e parë në sezonin e rregullt të Superligës në volejboll për femra. Korçaret fituan 3-0 ndaj Partizanit në kryeqytet, duke u rikthyer te suksesi pas humbjes në finalen e Kupës së Shqipërisë.
Ndonëse pritej një ndeshje më e fortë, Partizani ishte shumë larg nivelit të Skënderbeut, që e dominoi lojën në të trija setet (25-15, 2522, 25-21). Tashmë të dyja ekipet mendojnë për fazën play off.
Pa probleme fiton Tirana, që në “Fahrie Hoti” mposhti 3-0 Barleti Volley (25-10, 25-18, 25-19). Bardheblutë qëndrojnë në vendin e dytë, ndërsa skuadra barletase bie matematikisht në Kategorinë e Parë sezonin e ardhshëm.
Po 3-0 fiton edhe Dinamo, që në kryeqytet mundi rivalet e Pogradecit (25-23, 25-23, 25-20). Një ndeshje e ekuilibruar mes dy ekipesh që synojnë shumë këtë sezon dhe tashmë kanë pikë të barabarta në renditje.
Në Durrës, ekipi i Teutës mundi 3-1 Vllazninë (25-22, 25-25, 25-21, 25-18), në një ndeshje me rivalitet. Të dyja ekipet synojnë vendin e gjashtë dhe të fundit që të kualifikon në play off
Superliga-Femra, java e 13-të
Tirana – Barleti Volley 3-0
Dinamo – Pogradeci, 3-0
Partizani – Skënderbeu, 0-3
Teuta – Vllaznia, 3-1
Renditja: Skënderbeu 37 pikë, Tirana 33 pikë, Partizani 28 pikë, Pogradeci 15 pikë, Dinamo 15 pikë, Teuta 14 pikë, Vllaznia 11 pikë, Barleti Volley 3 pikë.
Discussion about this post