Shtatë skuadrat shqiptare do të luajnë ditën e sotme ndeshjet për turin e dytë të Conference League.
Kampionia e Shqipërisë, skuadra e Teutës do të presë sot në orën 19:00 në stadiumin ‘Niko Dovana’ skuadrën nga Andora, Inter Esclades.
Po në të njëjtin fashëorar do të luajë edhe Vllaznia, e cila ndodhet në Qipro dhe përballë do të ketë ekipin AEL Limassol, sfidë e cila duket shumë e vështirë për shkodranët.
Laçi do të luajë në stadiumin “Elbasan Arena” ndaj Universitatea Craiova. Ky takim do të zhvillohet në orën 19:00 dhe duket së kundërshtarët e bardhezinjëve nuk janë aspak të lehtë.
Edhe Shëkndija e Tetovës ka për të luajtur takimin e saj në transfertë ndaj Rigas në orën 19:00 të mbrëmjes së sotme. Në orën 20:00, Shkupi do të presë në shtëpi ekipin e Santa Claras.
Ndërsa në orën 20:15 dotë zhvillohet supersfida e mbrëmjes Basel-Partizani, ku skuadra e Ilir Dajës do të masin forcat ndaj një kundërshtari shumë të fortë dhe me eksperiencë në arenën ndërkombëtare siç janë zviceranët e Bazelit.
Takimi tjetër është ai i Dritës, e cila do të luajë ndaj Fejnordit në një ndeshje tepër të vështirë siç janë holandezët e Fejnordit./Gijotina.com
