Sondazhi i organizuar nga Ipsos dhe publikuar në gazetën ‘Blic’, tregon se 44% e të pyeturve janë kundër hyrjes në BE. Kjo është hera e parë në dy dekada që numri i serbëve që janë kundër anëtarësimit në BE është më i lartë se sa i atyre që janë pro. Në mbështetje të procesit të integrimit janë shprehur vetëm 35% e pjesëmarrësve.
Marko Uljarevic nga Ipsos i tha ‘Blic’ se kjo është hera e parë që numri i personave që janë kundër hyrje në BE i kalon ato që janë në favor. Presidenti serb, Aleksandër Vuçiç thotë se të dhënat janë të ngjashme me ‘gjendjen’ në partinë e tij.
Serbia ka aplikuar për të hyrë në BE në 2009. Bisedimet nisën në 2014 por tensioni mes Serbisë dhe Kosovës ka ngadalësuar procesin. Edhe pse po kërkon të bëhet pjesë e BE, Beogradi ka lidhje të ngushta me Moskën.
Analisti politik, Nemanja Todoroviç Stiplija, kryeredaktor i European Ëestern Balkans, shprehet skeptik për sondazhin. Sipas tij, është bërë për të matur efektin mbi një vendim të mundshëm për të sanksionuar Rusinë. Sondazhi u publikua pak kohë pasi ministri i Brendshëm i Serbisë, Vulin, tha se vendi duhet të rishikojë synimet për të hyrë në BE për shkak të presioneve të Perëndimit për të vendosur sanksione ndaj Rusisë.
Discussion about this post