Pasi pranoi për herë të parë humbjen e thellë në zgjedhjet e pjesshme vendore të 6 marsit dhe nënkuptoi se mund të dorëhiqet nga posti i kreut të PD, Lulzim Basha ka bërë lëvizjen e radhës.
Mësohet se, Basha do të mbledhë grupin parlamentar të PD këtë të shtunë në orën 11:00, ku pritet të diskutohet se çfarë vendimesh do të merren pas humbjes tronditëse dhe çfarë do të ndodhë më fatin politik të Lulzim Bashës.
Kujtojmë se PD është përfshirë nga zhvillime të shumta politike, që pas rezultateve të zgjedhjeve të pjesshme të 6 marsit, PD doli forcë e tretë, ndërsa pas këtij rezultati pati edhe dorëheqje nga figura të njohura si Grida Duma, Agron Gjekmarkaj dhe Flutura Açka.
Discussion about this post