Manchester City ka barazuar ndaj Southamptonit me rezultatin 0-0 në ndeshjen e vlefshme për javën e pestë në Premier Liga.
Ekipi i Pep Guardiolas nuk ka arritur të vazhdoj serinë e fitoreve, ku pas tre fitoreve ka barazuar në shtëpi ndaj Southamptonit.
Pjesa e parë e ndeshjes u karakterizua nga dominimi i City, që krijoi shumë raste deri në rrezikimin e golit të epërsisë, megjithatë, edhe përkundër rasteve të shumta, portat mbeten të paprekura dhe ekipet shkuan në pushim me barazim 0-0.
Në pjesën e dytë, përsëri u zhvillua ndeshje e njëjtë me një Manchester City edhe më kërkues në shumë raste por, njësoj si në të parën, miqtë u mbrojtën mirë dhe arritën në fund të marrin një barazim shumë të vlefshëm 0-0.
Në këtë ndeshje, në minutën e 68-të u aktivizua edhe sulmuesi shqiptar, Armando Broja, por pa arritur të lë gjurmë në këtë takim.
Pas këtij barazimi, Man.City e sheh veten në pozitën e dytë me 10 pikë, ndërsa Southampton zë pozitën e 15-të me katër pikë.
Në ndeshjen e ardhshme, City udhëton te Chelsea, ndërsa Southamptoni e pret Wolvesin në shtëpi. /Gijotina.com
