Kreu i PD, Lulzim Basha dhe ministrja për Marrëdhëniet me Parlamentin, nuk i kanë ndaluar replikat me njëri-tjetrin. Nga foltorja e kuvendit, Spiropali i kërkoi kreut të demokrat të bëjë kujdes me tonin e zërit, ndërsa e ironizoi duke thënë se çështja e Vettingut nuk është si bravat që ndërrohen në selinë e PD.
“Basha kontrolloni gjuhën, temperametrin se nuk jeni në foltore këtu. Kontrolloni gjuhën dhe nervat. Meqë e keni merak çështjen e Vettingut, së pari premtoni se do votoni shtyrjen e afatit të Vettingut. Kur vjen puna te aksioni i vërtetë as i dëgjoni dhe as i votoni. Lërini përrallat, se nuk është Vettingu si bravat që mund t’i ndërroni në seli se nuk dini ç’bëni”, tha Spiropali.
Përplasja nisi kur ministrja i tha kreut të PD-së se në sajë të përplasjeve, kanë humbur legjitimitetin në parti dhe nuk meritojnë replikat me shumicën.
Discussion about this post