Sipas dy studimeve të reja, imuniteti i koronavirusit zgjat të paktën një vit, ndoshta gjatë gjithë jetës dhe rritet me kalimin e kohës, veçanërisht pas vaksinimit. Të dy studimet tregojnë se shumica e njerëzve që janë rikuperuar nga Covid-19 dhe më pas janë vaksinuar nuk do të kenë nevojë për doza përforcuese, raporton abcnews.al
Por e kundërta do të jetë për njerëzit e vaksinuar që nuk kanë qenë kurrë të infektuar me virus ndoshta do të kenë nevojë për këto doza, dhe sigurisht e njëjta gjë do të zbatohet për pakicën që nuk kanë arritur të zhvillojnë një përgjigje të fortë imune edhe pas vaksinimit.
Të dy studimet përfshinin njerëz të cilët kanë qenë të infektuar me koronavirus rreth një vit më parë. Qelizat e kujtesës mbeten në palcën e kockave dhe mund të shkaktojnë prodhimin e antitrupave sa herë që të jetë e nevojshme, sipas një studimi të botuar të hënën në revistën Nature.
Studimi tjetër, i postuar nga BioRxiv, një faqe në internet që boton kërkime biologjike, arriti në përfundimin se të ashtuquajturat qeliza B vazhdojnë të shtohen të paktën për një vit pas infeksionit fillestar, raporton abcnews.al
“Sipas studimeve, imuniteti i fituar përmes infeksionit dhe vaksinimit kundër SARS-CoV-2 besohet të jetë afatgjatë,” tha Scott Hensley, një imunolog në Universitetin e Pensilvanisë.
Këto studime mund të qetësojnë personat të cilët mendonin se imuniteti ndaj koronavirusit ishte afatshkurtër, si në rastin e koronaviruseve që shkaktojnë ftohje të zakonshme. Por këto viruse ndryshojnë ndjeshëm me kalimin e viteve, shtoi Hensley. “Arsyeja që ne jemi të infektuar me koronaviruse të zakonshëm në mënyrë të vazhdueshme gjatë gjithë jetës mund të ketë lidhje me variantet e tyre dhe jo me imunitetin,” tha ai.
Në veçanti, qelizat B të kujtesës të prodhuara gjatë reagimit të sistemit imunitar ndaj infeksionit SARS-CoV-2 dhe të përmirësuara nga vaksinimi janë aq të fuqishme sa ato luftojnë edhe variantet e reja të virusit, duke eliminuar nevojën për një dozë përforcuese, raporton abcnews.al
Michael Nussenweig, një imunolog në Rockefeller Universiteti në New York, i cili udhëhoqi studimin tha:
“Personat që kanë qenë të infektuar dhe janë vaksinuar kanë më shumë antitrupa, pasi antitrupat e tyre vazhdojnë të evoluojnë dhe zgjasin për një kohë të gjatë.”
Por e kundërta ndodh te personat që nuk kanë qenë të infektuar me Covid dhe sapo janë vaksinuar, pasi ata mund të kenë nevojë për një dozë përforcuese, shtoi ai. Nussenweig.
“Kjo është diçka që do të marrë përgjigje shumë shpejt,” tha ai.
