Gramshi është përfshirë këtë mbrëmje nga stuhi shiu dhe breshëri. Breshëri i fuqishëm ra në qytet, sikurse duket edhe nga pamjet, ndërkohë që ende nuk dihen dëmet që ka shkaktuar në bujqësi.
Breshëri që ka rënë edhe pak javë më parë në Elbasan dhe Gramsh, shkaktoi dëme të shumta te pemët dhe kulturat bujqësore.
Reshjet e dendura kanë dominuar kryesisht në të gjitha fshatrat përgjatë rrjedhës së lumenjve Shkumbin e Devoll. Edhe në qytetet Elbasan, Librazhd, Cërrik e Gramsh kanë rënë reshje të dendura shiu në formë stuhie nga ora 18.30-20.00.
Ndërkohë në Gramsh ka patur stuhi të madhe reshjesh të shoqëruara me breshër kokërrmadh i cili ka shkaktuar dëme në kulturat bujqësore, vreshtari, dru frutorë e kopshtari. Disa ditë më parë Qarku i Elbasanit u përfshi nga një stuhi e pazakontë me erëra të forta të cilat shkaktuan përmbytje, shkulje pemësh e dëmtime tendash.
Këtë mbrëmje pas orës 20.45 moti është qetësuar dhe pas stuhisë parashikohet të ketë përmirësim të kushteve atmosferike .
gijotina.com/
Discussion about this post