Tre persona u vranë të shtunën në një sulm me motive racore pasi një person i armatosur vuri në shënjestër njerëzit me ngjyrë në një dyqan në Jacksonville, Florida.
“Keto të shtëna ishin të motivuara racialisht dhe ai i urrente njerëzit me ngjyrë,” tha Sherifi i Jacksonville T.K. Waters në një konferencë shtypi të shtunën në mbrëmje.
Waters tha se sulmuesi, të cilin ai e përshkroi si një burrë të bardhë rreth të 20-ave, qëlloi dhe vrau veten pas sulmit. I dyshuari la pas atë që sherifi i përshkroi si tre manifeste që përshkruanin “ideologjinë e tij të neveritshme të urrejtjes” dhe motivin e tij në sulm.
Të tre viktimat, dy burra dhe një grua, ishin me ngjyrë.
Waters tha se sulmuesi jetonte në Clay County, Florida, në jug të Jacksonville, me prindërit e tij.
Waters tha se vrasësi i tha babait të tij me mesazh që “të kontrollonte kompjuterin e tij”. Babai gjeti dokumente të përshkruara nga Waters si manifeste dhe thirri autoritetet.
Por Waters tha se në kohën kur autoritetet u alarmuan për manifestet, personi i armatosur kishte filluar tashmë sulmin në dyqan.
Të shtënat kanë nisur pak pas orës 13:00 me orën e Amerikes disa blloqe larg nga Universiteti Edward Waters, një shkollë historikisht per personat me ngjyrë, ku studentëve që jetonin në kampus iu tha të qëndronin në dhomat e tyre të banimit. Waters tha se personi i armatosur u pa në kampusin e shkollës përpara se të shkonte në një dyqan. Askush nuk u lëndua në kampus.
“Ai shfrytëzoi këtë mundësi për të vendosur jelekun e tij antiplumb jashtë dhe për të vendosur maskën e tij jashtë dhe më pas vazhdoi në dyqanin ku kreu këtë akt të tmerrshëm,” i tha Waters “CNN”.
Zyrtarët e Universitetit Edward Waters thanë se sulmuesi u largua nga kampusi i tij pasi refuzoi të identifikonte veten.
“Individi u kthye në makinën e tyre dhe u largua nga kampusi pa incidente. Takimi u raportua në Zyrën e Sherifit të Jacksonville nga siguria EWU,” sipas një njoftimi nga universiteti.
Kryebashkiaku i Jacksonville, Donna Deegan tha se personi i armatosur u barrikadua brenda dyqanit pas sulmit. Nuk dihet menjëherë nëse viktimat janë qëlluar brenda apo jashtë dyqanit.
Sherifi tha se hetuesit besojnë se i armatosuri veproi i vetëm dhe kishte veshur një jelek taktik dhe maskë gjatë sulmit. Ai ishte i armatosur me një pushkë të stilit AR-15 dhe një pistoletë.
Waters tregoi fotografi të armëve gjatë një konference shtypi, të cilat tregonin svastikat ishin vizatuar në njërën nga armët me bojë të bardhë.
“Ne kemi hapur një hetim federal për të drejtat civile dhe ne do ta ndjekim këtë incident si një krim urrejtjeje,” tha Sherri Onks, agjentja speciale përgjegjëse për zyrën e FBI-së në Jacksonville.
Discussion about this post