Mëngjesin e sotëm pronari i mobilerisë Myslym Karaj në Nikël të Krujës ka denoncuar se biznesi i tij është sulmuar me armë zjarri. Ngjarja ka ndodhur në orët e vona të mbrëmjes së djeshme rreth orës 08:20 ndërsa ai është shprehur se nuk ka konflikte me asnjeri dhe kërkon që të zbardhet sa më shpejt.
Policia gjithashtu njofton se ka konstatuar disa shenja, që dyshohen se janë shkaktuar nga armë zjarri.
Nuk raportohet që të ketë persona të plagosur duke qenë se në momentin që ka ndodhur ngjarja, mobileria ka qenë e mbyllur. Dëmet materiale të shkaktuara si pasojë e breshërisë së plumbave janë të shumta.
Pritet që grupet hetimore të sekuestrojnë kamerat e sigurisë për të zbardhur ngjarjen dhe identifikuar e më pas arrestuar personat që kanë qëlluar me breshëri automatiku drejt subjektit.
Grupi hetimor ndodhet në vendngjarje dhe po punon për sqarimin e rrethanave.
Discussion about this post