Sulmi ndaj komedianit në Oscar, Will Smith kërkon falje publike: Ndihem i turpëruar

Will Smith i ka kërkuar publikisht falje komedianit Chris Rock pasi e goditi në fytyrë gjatë ceremonisë së ndarjes së çmimeve Oscar të dielën mbrëma. Aktori, i cili fitoi çmimin Oscar për aktorin më të mirë, reagoi në rrjetin e tij social Instagram duke pranuar se veprimi kishte qenë i gabuar.

“Oscar mbrëmë ishte e papranueshme dhe e pafalshme. Shakatë në kurrizin tim janë pjesë e punës, por një shaka për gjendjen shëndetësore të Jada-s ishte e tepërt për mua dhe unë reagova emocionalisht.”

Gjithashtu, aktori është shprehur se ndjehet i turpëruar dhe nuk ka vend për dhunë në një botë dashurie dhe mirësie.

“Do të doja t’ju kërkoja falje publike, Chris. Dola nga vetja dhe gabova. Ndihem i turpëruar dhe veprimet e mia nuk ishin tregues i burrit që dua të jem. S’ka vend për dhunë në një botë dashurie dhe mirësie. Gjithashtu do të doja t’i kërkoja falje Akademisë, producentëve të shfaqjes, të gjithë të pranishmëve dhe të gjithëve që e shikojnë në mbarë botën.”

Së fundmi, Will Smith e ka mbyllur shkrimin e tij duke thënë se i vjen keq që, sipas tij, sjellja e pakontrolluar ka njollosur punën e tij.

“Unë do të doja t’i kërkoja falje familjes Williams dhe familjes sime të ‘ King Richard’. Më vjen thellësisht keq që sjellja ime ka njollosur atë që ka qenë një udhëtim i mrekullueshëm për të gjithë ne.”