Berisha e hoqi nga grupi i mediave, Sadikaj: Historia ime në PD, është më e madhe sesa interesi i atyre

Largimi i personazheve dhe deputetëve nga grupi i zyrës së shtypit, kanë bërë që të nisin pakënaqësitë.

Gazetari dhe anëtar i Këshillit Kombëtar të PD-së Patrik Sadikaj, e konsideron ilegale këtë veprim. Ai u drjetohet demokratëve që nuk kanë përfunduar në dorën e njerëzve që s’kanë asnjë lidhej me Partinë demokratike.

“Nuk e kisha në plan të reagoja fare, por heqja ilegale nga grupi i punës në Ëhats App që mundësonte komunikimin me median, më detyroi të them nja dy fjalë si sqarim. Jo për tu qarë e as për tu ankuar. Fundja nga PD nuk më heqin dot ata që me PD kanë lidhje krejt tjera nga ato politike, shpirtërore e morale. Reagimin e kam për gjithë ata demokratë që sot kanë përfunduar në dorë të disa njerëzve që nuk kanë asnjë lidhje me Partinë Demokratike.  Në dorë të atyre, që kur unë burgosesha, rrihesha e kërcënohesha nga policia dhe bandat e pushtetit të vitit 98-99, ata i gëzoheshin benefiteve që u jepnin bijtë e pushteti”, shprehet Sadikaj.

Veprimin e grupit të Rithemelit për ta “fshirë” nga zyra e grupi i zyrës së Sadikaj e konsideron komuniste, ndërsa shton se i ka shërbyer i pavarur Partisë Demoktarike duke qenë kritik ndaj kryetarit kur “lëpirësit” endeshin nëpoër korridore e paradhoma.

“Demokratët e dinë se shumë prej atyre që sot më fshijnë mua në mënyra komuniste, ilegale, pa thënë asnjë fjalë, janë aty jo se janë demokratë. Gjithkush e di se ata skanë asnjë lidhje me PD e që deri dje ishin në barrikadën e kundërt me demokratët.

Unë jam anëtar i Këshillit Kombëtar të PD i votuar nga shumica dërmuese e demokratëve në 2 mandate dhe i kam shërbyer Partisë Demokratike, pa asnjë kursim dhe pa e parë emrin e kryetarit. Madje kam qenë kritik ndaj tij, kur këta që sot flasin në emër të PD, lëpiheshin korridoreve dhe paradhomave për ti fërkuar krahët dhe duke më sulmuar mua e të tjerë që mendonin si unë.  Historia ime në PD, është më e madhe sesa interesi i atyre që duan pushtetin e PD, jo të mirën e PD. Kur unë punoja për të mirën e PD, disa prej tyre punonin kundër meje e kundër PD…”, shton Sadikaj.