Presidenti i Serbisë, Aleksandar Vuçiç, ka thënë se ka biseduar sot me Sekretarin Amerikan të Shtetit, Anthony Blinken për situatën në Kosovë, me të cilin është pajtuar për disa gjëra dhe për disa të tjera jo.
“Ka disa gjëra për të cilat ne u pajtuam dhe disa gjëra për të cilat nuk u pajtuam. Ne ramë dakord se nevojitet de-përshkallëzimi, se nevojitet një rol dukshëm më i madh i KFOR-it. Jemi pajtuar dhe i kam mohuar gënjeshtrat për shkallën më të lartë të gatishmërisë luftarake të forcave tona sepse nuk e kam nënshkruar dhe nuk është e vërtetë dhe nuk kemi gjysmat e forcave siç i kishim dy-tre muaj më parë”, tha Vuçiç.
Vuçiç tha se nuk janë pajtuar për natyrën e asaj që ka ndodhur në Kosovë, veçanërisht për sovranitetin e Kosovës, raporton Euronews.rs.
Discussion about this post