Harry Kane nuk ndalet! Fiton për herë të dytë “Këpucën e Artë”, ja kur do ta marrë zyrtarisht trofeun

Harry Kane ka shkruar një tjetër faqe të artë në karrierën e tij, duke fituar “Këpucën e Artë” të Evropës për sezonin 2025-2026.

Sulmuesi anglez ishte golashënuesi më i mirë në kontinent, duke realizuar 36 gola me fanellën e Bayern Mynihut.

Kjo është hera e dytë që Kane fiton këtë trofe prestigjioz, pas triumfit të parë në sezonin 2023-2024.

Trofeu do t’i dorëzohet zyrtarisht më 19 gusht, në një ceremoni që do të zhvillohet në Muzeun e Bayern në Mynih.

Kapiteni i Anglisë vijon të jetë një nga sulmuesit më të frikshëm në futbollin europian.

Performanca e tij e jashtëzakonshme e ka futur gjithashtu në garë për çmimin FIFA The Best.

Kane bëhet vetëm lojtari i tretë i Bayern që e fiton dy herë Këpucën e Artë.

Para tij, këtë arritje e kanë realizuar legjendat Gerd Müller dhe Robert Lewandowski.

Në listën e fituesve të këtij trofeu janë edhe emra gjigantë të futbollit botëror.

Lionel Messi, Cristiano Ronaldo, Thierry Henry, Francesco Totti, Ronaldo dhe Eusébio janë mes tyre.

Me këtë sukses, Kane konfirmon edhe një herë statusin e tij si një prej golashënuesve elitë të futbollit europian.

Dhe tashmë, sytë janë te 19 gushti, kur anglezi do të ngrejë në Mynih një tjetër trofe individual.