Edicioni i ardhshëm i Superkupës së Italisë do të zhvillohet sërish në Arabinë Saudite. Gjatë Asamblesë së Serisë A, drejtori ekzekutiv i Lega Serie A, Luigi De Siervo zbuloi se kishte marrë konfirmimin për interesimin nga arabët.
Edhe turneu i ardhshëm, do të jetë me katër ekipe. Milan dhe Bologna kanë siguruar kualifikimin aty, si finalistë të Kupës së Italisë, ndërsa dy ekipet e tjera, pritet të jenë Napoli dhe Interi, që po luftojnë për titullin.
Marrëveshja e nënshkruar në Mars të vitit 2023, e cila parashikon që 4 nga 6 edicionet të luhen në Arabinë Saudite, ka një vlerë totale prej 92 milionë Eurosh.
Çdo vit, paguhen 23 milionë Euro për të pasur Superkupën e Italisë, 6.8 milionë shkojnë direkt në arkën e Ligës, ndërsa 16.2 milionë të tjera ndahen midis katër pjesëmarrësve, 8 për fituesin, 5 për finalistin dhe 1.6 për dy gjysmëfinalistët.
Discussion about this post