Superliga shqiptare mbylli sot edicionin ku Partizani u kurorëzua kampion i Shqipërisë, me pikë të njëjta me Tiranën, por me rezultat më pozitiv në përballjet direkte, çka e favorizonte në renditje.
Partizani do të luajë në turin e parë të fazës eliminatore në Ligën e Kampioneve, ndërsa për shkak të koeficentëve të skuadrave shqiptare “Demat” do të jenë në vazon e ekipeve të dobëta. Kjo do të thotë se kundërshtarët e Partizanit do të jenë më të fortë dhe me shortin që do të hidhet mund të “peshkojë” Sherif Tiraspol, Slovan Bratislava, Karabak apo Ferencvarosh.
Ndërkohë 3 skuadrat e tjera, që do të përfaqësojnë Shqipërinë në arenën europiane të futbollit janë Tirana, Vllaznia dhe Egnatia, që do të luajnë në Ligën e Konferencës.
Gjithashtu të tre skuadrat do të jenë në vazon e ekipeve të dobëta dhe do të përballen me ekipe më të forta, pjesëmarrëse në këtë kompeticion.
Ekipet rivale të skuadrave shqiptare mund të jenë edhe Shkëndija e Shkupit apo Drita e Kosovës.
Discussion about this post