Java e 17-të në Superligën Kosovare të futbollit ka rezervuar përballje interesante në kampionatin ku ende është gjithçka e hapur në garën për titull.
Dukagjini pret Llapin i cili udhëton në transfertë me motivin e vetëm për mos të humbur diferencën me kreun e renditjes, ndërsa Ulpiana do të përballet me Feronikelin në një ‘luftë’ mbijetese pasi të dyja skuadrat janë në zonën e rrezikshme të tabelës.
Të dyja këto takime do të mbahen në orën 13:00, por vetëm 30 minuta më pas i gjithë interesi do të jetë në klasiken e futbollit Kosovar ku Prishtina do të presë Dritën.
Kryeqytetasit vijnë në këtë përballje pas dy fitoreve radhazi dhe do të kërkojë ta ruajë këtë ecuri positive, ndersa Drita do të kërkojë fitoren me çdo kusht për të qëndruar afër me kreun e renditjes.
Discussion about this post